News

May 14, 2026 zanlaia bike in a chil avanga thi Zonuntluangi (23) pa PC Lalvuana (59) h/o Rochhari, Thingsulthliah chu nizan (25.7.2026) khan a thi.

Thingsulthliah atanga thudawn danin, PC Lalvuana hi nitin a fanu thlanah a kal thin a, nizana a fanu thlana a kal haw lam chu dar 9:30 velah Thingsulthliah khaw daiah truck-in a su a, a ka chhawn loin a thi. A ruang awmna piahah hian truck dingin, truck-a chuangte chu police-in an la a, an chhuizui mek.

PC Lalvuana ruang hi nizan khan lumenpui a ni a, vawiinah postmortem niin, chhun dar 12 ah vui a ni ang.

Tarlan tawh angin PC Lalvuana fanu Zonuntluangi (23) chu
May 14 zanlai vel khan Chanmari, Aizawlah bike leh scooter intai vangin a thi. Zonuntluangi hi scooter hnungah chuangin, chetsualna hmunah a hliam tuar loin a thi.

Zonuntluangi hi class XII a pass hnuah Aizawlah awmin, cafe-ah a thawk a ni.