Sorkar hnenah pawisa hlan

Mizoram Agricultural Marketing Board (MAMB) chuan Market Intervention Scheme (MIS) 2024-2025 hnuaia sawhthing atana pawisa a dawn Rs. 9,48,14,281 chu state sorkar hnenah vawiin (28.7.2026) hian an hlan.

MAMB chuan an Chairman PC Vanlalruata, Agriculture Minister ni bawk kaihhruaina hnuaiah meeting an nei a, meeting-ah hian Agriculture Minister chuan MAMB aiawhin state sorkar hnenah central scheme MIS hnuaia pawisa an dawn Rs. 9,48,14,281(cheng vbc 9.48) chu state sawrkar hnenah a hlan. State sawrkar aiawhin Finance Secretary Ramchuana’n a dawng a, Finance Department chuan state sawrkar account-ah a lo deposit leh dawn a ni.

MIS 2024-2025 hnuaiah hian MAMB chuan Ministry of Agriculture & Farmers’ Welfare, Government of India atangin pawisa hi a dawng a; MIS scheme hnuaiah hian, sawrkarin kut hnathawktute atanga sawhthing a leinaa hloh (net loss) a neih chu, 75% central sorkar hian a rawn tum ve tur a ni. Chutiang atan chuan Central Sawrkar hian Rs. 9,48,14,281/- chu rawn tum vein, he pawisa hi MAMB chuan state sawrkarah a chhung lut leh a ni.