News

Police chuan Aizawl atanga scooter (scooty) rukbo leh a rubotu ni ngeia hriat an man.

Police atanga thudawn danin, ni 12.9.2026 zing dar 2 hnulamah khan scooter hi Falkland Canteen Road-ah a chahbi phawi loin an kalsan a, a bo zui. Scooter bo hi Bawngkawn Police-te’n an chhuizui a ni.

Lalhmingthanga (29) s/o Chuhbuaia of ITI Veng, Aizawl chu Kolasibah a scooty ruk hmanga a kal chu a petrol a tlan kang a ni. Pawisa a nei tawh bawk si lo a, petrol lak nan tiin dawr pakhat ah a phone hralh a tum a ni.

Dawr neitu chuan a lo ringhlel a, Kolasib Police-ah a hrilh ru nghal a ni. Sccooter bo ni-a Bawngkawn PS atanga WT kan thawn chu Kolasib Police-te chuan enletin, Lalhmingthanga hi an lo man a ni.

Lalhmingthanga hi Bawngkawn Police-te chuan an la chho tawh a, hethuziahlai hian scooter erawh lak chhoh a la ni lo.