Police lak runpui buatsaih dawn

Mizoram Police chuan Mizoram Sawrkarin a phal angin police constable 350 (unarmed – 150 & armed – 200) lak runpui neih a ni dawn tih an tarlang a, “He hna lakna advertisement hi Mizoram Police Website-ah September 21, 2026 (Thawhtanni) ah tarlan tum niin, chanchinbuah September 22, 2026 (Thawhlehni) ah chhuah tum a ni,” an ti.

An tarlan danin, he hna hi HSLC leh a tlukpui chin tan a dil theih ang a, advertisement (Chanchinbu leh Mizoram Police Website-a tarlan) hi uluk taka chhiarin online hmanga he hna hi dil tur a ni ang.

Police constable 350 lak turah hian reservation hetiang hian a awm ang :
Ex-Servicemen tan 5% (Post 17, UB 7 + AB 10), Meritorious Sportspersons tan 5% (Post 17, UB 7 + AB 10), Mizoram Home Guard (MRHG&CD) tan 10% (Post 35, UB 15 + AB 20), Women Candidates tan 33% (Post 50 – UB chauh).

He hna dil chungchanga harsatna leh buaina nei an awm chuan District tina Superintendent of Police Office, Reserve Branch-ah engtiklai pawhin zawhfiah a pan theih reng an ni ang.