MZP leh party-te’n thawhho rel

Vawiin (July 31, 2026) hian MZP General Headquarters kaihhruaina hnuaiah all political party – Zoram People’s Movement (ZPM), Mizo National Front (MNF), Mizoram Pradesh Congress Committee (MPCC), Bharatiya Janata Party (BJP) leh Peoples’ Conference (PC) te kalkhawm chuan Election Commission of India (ECI) in Special Intensive Revision (SIR) 2026 Mizoram-a a kalpui mek chungchang an sawiho a, lungrual takin hetiang a hnuaia tarlan ang hian thawhho nise, an ti.

An thawhho dan tur

1.Mizorama SIR 2026 kalpui mek chu khua leh tui dik takte dikna chanvo humhimna a nih avangin felfai taka kalpui a nih theih nan thawhho zel nise kan ti.

2.Hearing neih mekah khua leh tui dik tak ni lo, E-Roll a luh tumte chu pui lo tur leh tumahin tan lo turin tanrual tha kan ti a, political party zawng zawng pawhin hemi chungchangah hian mahni party tinah hriattirna tihchhuah nise kan ti.

3.Document lem hmanga E-Roll a luh tum an awm hi kan dem takzet a, hetiang hmuhchhuahte chu thuneitute hnenah hriattir zel nise kan ti.

4.Hearing neih mekah official-te fimkhur taka hmala turin kan beisei a, hna thawk thei lote chu dan anga an phu tawk hremna pek ngei nise kan ti.

5.Hearing neih hun hi fur lai a nih avang leh thingtlang khaw kil khawr tak taka, kawng chhe tak tak paltlang ngai a nih avangin ERO, AERO te an hahin, an indaih lo em em a ni. Last date August 4, 2026 chu SIR 2026 felfai zawk kan neih theih nana hun hi pawtsei tura ngen nise kan ti.