News

Mizo Zirlai Pawl (MZP) General Headquarters chuan thuchhuah siamin, “Mizoram chhunga hnam dang Mizo hming hawh leh hnam dang (vai) sumdawng an rawn pung chho zel chu an vei takzet a, hei hi hnam anga min chimralna kawng hawngtu zau tak a nih avangin, kan ngaimawh hle. A tawp thlengin hma kan la zel dawn,” an ti.

Mizoram chhunga hnam dang petrol pump enkawl leh hnam dangte thawhna petrol pump chu September 7, 2026 (Ningani) atanga khar turin an hriattir tih tarlangin, “Hemi bawhzuina atan hian, MZP Headquarters, Sub Headquarters, Branch leh Hnampual zirlai pawl a kan thawhpui zawng zawngte’n mahni huam chhunga petrol pump inkhar zawng zawngte lo chhinchhiah tur leh a tul anga petrol pump neitute hming leh an sumdawnpui hnam dang (vai) te lo chhinchhiah vek turin kan in hriattir a ni,” tiin hnamdang (vai) sumdawnpui a, September 17, 2026 a mipui dawr theih loh a inkhar zawng zawngte a tul anga an hming puanzar a nih tur thu an tarlang.