MLA-in futsal tournament a pet hawng

August 21, 2026 (Zirtawpni) zan khan Mission Veng Local Council buatsaih Julia 2nd Mission Veng Local Council Futsal Running Trophy 2026 chu Bialtu MLA Lalchhuanthanga’n a pet hawng a, Aizawl South II huamchhunga sorkar hmalakna hrang hrang a sawi.

Khuallian chuan Tlangnuam atanga Aizawl Western By Pass Approach Road chu cheng vbc. 5.00 seng a siam mek a nih thu te, Tlangnuamah EMRS (Eklavya Model Residential School) din a nih tawh thute leh Kulikawn Hospital chu khum 100 awm belh tura ruahman niin tunah hian hna tan mek a nih thu a sawi a ni.

Lalchhuanthanga chuan sawi chhunzawmin, “Mission Veng chhung bikah DYO Hall thin kha New Aged Multifaceted Urban Centre atan cheng nuai 935 senga sak mek a ni a, Local Coucil House/MUP House sakna’n 350 lakhs dah tawh niin lehkha chinfel ngai buaipui mek a ni. Kawltheihuana MTTA hall thlanga Sports Dept. ram awl pawh vantlang hnena pek let leh tura buaipui mek niin thalaite tana tangkai taka hman theih tura ruahmanna siam tur a ni ang. Mission Veng Joint YMA Field chu changtlung zawk leh mipui ten kan chhawr theihna tura ruahmanna siam tum a ni,” a ti.

Lalchhuanthanga chuan, Sub Centre Mission Veng chu Urban Health & Wellness Centre a hlankai niin doctor-in a thutchilh mek thu a sawi bawk.