Mizoramah motor suam a ni?

May 30, 2026 zan khan Saikhawthlir, Mamit District khawdaiah Tripura motor suam nia hriat a ni. Motor-a chuang pahnihte thilh neih lak sakin, a suamtute hi tute nge hriat an la ni lo. Mizo pawhin vau a tawk.

Thudawn danin Bairabi lam atanga Saikhawthlir lam pan pick up pakhat chu Saikhawthlir luh hma deuhin mi pathumin an lo ti ding a ni. Motor-ah hian driver leh mi pakhat hnamdang ve ve an chuang a ni. Pakhat chuan chem nena vauin, pawisa leh an thil neih dang a dil.

Hetihlai hian Saikhawthlir tlangval, Bairabia zirlai kum 8 mi vel bike-a chuang chuan a nangching a, a tlan tlang loh chuan a tan a pawi tur thuin an lo vau. Sakhawthlir tlangval hian a zirlai phurh a venthawn avangin a tlan tlang.

Saikhawthlir tlangval hian khua a thlen veleh VC hruaitute a hrilh a, anni’n Saikhawthlir Police-te an hrilh nghal. Khawtlang hruaitute leh police pawh an kal nghal a, kea driver leh a mi phurhin Saikhawthlir an pan lai an tawk.

Driver leh a mi phurh chuan an wallet (pawisa awm lo), rangkachak thi, motor chahbi leh mobile phone an laksak thu an sawi. Driver hi a ban dinglamah chemtea zai sak a ni a, a kak zau ang reng.

Motor an endik chuan chahbi leh wallet chu a lo awm leh tawh a, rangkachak thi leh mobile phone erawh a awm lo. Khuaah driver hliamte enkawl sak a nih hnuah Tripura panin an kal a, FIR thehlut tura tih an ni. Saikhawthlir LC ten Bairabi Police an hrilh a, lo ngaichang mah se, an lo hmu lo. He thuziahlai thleng hian an chin hriat a nizui ta lo.

Saikhawthlir khawtlang hruaitute chuan mi suamtute nia sawite hi Assam lama Bru-te an nih an rinthu an sawi a, thuchiang tak erawh an la hre bik lo.