Mizo skincare brand-in lawmman pahnih a la

Mizoram chhung ngeia siam, mipuite hriat ngei pawhin kan hriat, rawn lar chho skincare brand – Lawm from the Hills chuan Cosmopolitan India Readers’ Choice Beauty Awards 2026-ah category pahnih – ‘Best Face Oil’ leh ‘Best Sunscreen’ ahte an che tha hle a, lawmman an dawng ve ve a ni. Mizo zingah hetiang lawmman dawng thei hmasa ber an ni.

Cosmopolitan Beauty Awards-ah hian khawvel huapa skincare brand lar tak tak Caudalie, Laneige, etc, te nen lawmman dawng thei tur zingah an langho a ni.

‘Best Face Oil’ lawmman dawngtu an Glow Drops hi Mizoram atanga tharchhuah vek Walnut oil, Sacha inchi oil leh Perilla seed oil te hmanga siam a ni. ‘Best sunscreen’ lawmman dawngtu an Sunshield-ah hian a hmanrua ber chu bamboo water a ni a, hei pawh hi Mizoram tlang ram ngei atanga lak chhuah a ni.

Lawm from the Hills chuan Mizoram chhunga thil awmte hmang tangkaiin, skincare tha tak tak an siam chhuak a, a thatzia tifiah turin Cosmopolitan India Readers’ Choice Beauty Awards an dawnpui thei hial a ni.