Lunglei HPC Vice Chairman-in ral

Lunglei High Powered Committee (HPC) Vice Chairman V. Malsawmtluanga, MLA chuan tun hnaiami kut tuara thi, Mualṭhuam North tleirawl H. Lalramdinpuii (15) chu vawiin (12.8.2026) khan Mualṭhuam North-a an chenna inah ralin, a chhungte tuarpuina a hlan.

V. Malsawmtluanga chuan H. Lalramdinpuii hriat reng nan leh nunau leh hmeichhiate himna atan Mualṭhuam North-ah “H. Lalramdinpuii Security Project” kalpui nghal a nih tur thu a sawi a, “He project kal tlang hian Mualṭhuam North hmun pawimawh hrang hrangah tuallai thlithlaina, CCTV (closed-circuit television) ṭha chi bun a ni dawn. Hmun thim leh ralmuang lo deuh laiahte a rang thei ang berin tual khawnvar, solar light ṭha dah a ni ang. Mipuite himna atan theih tawp chhuaha hma lak zel a ni dawn,” tiin nunaute chu hlau thlabara awm tawh lo turin a chah.

Lunglei HPC Vice Chairman hian H. Lalramdinpuii ralna atan ₹10,000/- chu a chhungte kutah a hlan a, H. Lalramdinpuii tual thihna chu pawi a ti tak zet tih sawiin, tualthattu chu a rang thei ang bera zawn chhuah a nih theih nan theih tawp a chhuah tur thu a sawi.