Jul 26, 2026
Sunday
Nimin (25.7.2026) chhun dar 12:30 vel khan Zoramcheuva (35), Pangkhua chu lirtheia (pick up) chetsualna avangin a thi.
Thudawn danin, pick up-ah hian motor khalhtu leh a neitu ni bawk leh a nupui bakah Zoramcheuva, a nupui leh a fanu (kum 6 vel) an chuang a ni. Zoramcheuva leh a fanu hi a hnungah chuangin, a bak zawng a hmaah an chuang a ni.
Thiltlang leh Pangkhaw inkar kawng laiah pick up hi a let a, Zoramcheuva hian a luah hliam tuarin, a hmu hmasatuten Hnahthial Damdawi In an panpui vat a, mahse chhan theih a ni tawh lo.
Lirthei neitu nupui leh naupang hian hliam an tuar a, ngaihtuahawm lutuk erawh an ni loa hriat a ni. Zoramcheuva leh a nupui hian fa pathum an nei a, motor-a chuang ve hi a naupang ber a ni.
