Sep 14, 2026
Monday
ZPM chuan vawiin hian (14.9.2026) hian chhung inkhawm an hmang a, thusawitu Home Minister K Sapdanga chuan an party-in hruaitu thar an neih dawn thu leh an uluk thu a sawi.
K Sapdanga chuan, “Hruaitu thar kan nei dawna, kan uluk bawka kan thukhawm zing hle. Party leh sorkar tana tha ber tura rin kan thawh khawm a, kan rel chhuak tha viau nghe nghe a ni. Kan danglamna pakhat zinga mi chu ZPM-in Leader kan nei hi a ni a, hetihlai hian Leader ber party hruaitu nih theih loh kha a fel lo hle. Chief Minister leh party president kawp a thatna leh that lohna a awm, kawp loh kan enchhin tawh a, kawp kan enchhin leh ang. Kum 2023 November ni 8-ah vote kan thlak a, kum 2028 November vel tho hi inthlan leh hun a nih hmel a, kum hnih leh thla khat vel inbuatsaihna hun kan la nei. Kum 2 kan la neih chhung hian kan pung ang nge kan hnawt tiau ang? Party hruaitute leh worker-te kan pawimawh ber a, a in elte chu party-te kan ni a, kan tawngkamah leh kan hnathawhah a lang dawn a, mark petu erawh mipui an ni leh dawn. Kan velah Thalai tam tak an awm a, ram rorel dan kalphungah an duhtui hle. Kan namnul a thiang lo. Pathian hnenah kan tawngtai ang a, sorkar leh party lungrual takin thawkrim i la, ram rawngbawlna hun tha hi Pathianin min pe leh ngei ang,” a ti
UD&PA Minister ni bawk K Sapdanga chuan Aizawl khawpui veng hrang hranga tui luankawrte tha zawka siam mek a nih thu sawiin, “Hei hian khawpui faina lamah pawh hmasawnna a keng tel ngei ang. Aizawl chauh ni lo district khawpuite pawh tih choh zel tum a ni bawk. Tualchhung thar sangha lo pung chho te, tualchhung artui thar chhuah lo tam ta te leh pangpar thar chhuah thlenga lo pung chho ta te hi hai rual a ni lo. Kut hnathawktute bana kai sorkar hi chu an awm a ni. Khawpui enkawlna kawngah municipality kalphung a lo mumal chho ta a, kan bawhhlawh sawngbawlna dan te leh ran vulh chungchangah thil thar kan hmu ngei dawnin a lang. Tunhma chuan khawlaiah lolice meizial zu chunga zu rui hmuh tur an awm fo thin a nih kha, tunah erawh zu rui chu sawi loh meizial pet kawh vu vu hmuh tur an awm ta mang lo,” tiin sorkar hmalakna puan sen a ni loa, a taka tawngtu Zoram mipuite’n kalphung thar an hmuh thu a sawi.
