Halpuah leh halmawi khuahkhirh

Aizawl District Magistrate chuan nimin (14.10.2025) khan Diwali lo thleng tur atan halpuah leh halmawi khuahkhirhna thupek a chuah.

Aizawl District Magistrate chuan, ‘Kan hriat theuh angin Diwali chu kan lo thleng leh dawn ta.Festival of Light a nih angin hâlpuah leh hâlmawi te hâl thin a ni. Amaherawhchu hêng hâlpuah leh hâlmawi te hian nasa takin boruak a tih bawlhhlawh bâkah ri bengchheng a siam a ni. Lung lama harsatna neite tan nun tiraltitu niin damlo leh upa lam tân thâwk lamah harsatna a thlen thei,’ a ti.

Hetiang a nih vang hian Aizawl District Magistrate chuan
BNSS 2023 Section 163 in thuneihna a pêk angin leh mipuite hâlpuah leh hâlmawi avanga boruak chhia leh ri bengchheng laka kan him theih nan khuahkhirhna thupek a chhuah.

Aizawl District Magistrate chuan, ‘Hâlpuah, hâlmawi leh a kaihhnawih te Aizawl District huam chhungah lâk luh, zawrh, kawl leh hâl khap tlat a ni. He khuahkhirhna thupêk hian chhuah a nih atanga thlahnih (2 months) chhung a huam ang. Bawhchhia an awm a nih chuan BNS 2023 Section 223 hmangin hremna lek a ni ang,’ a ti.