News

Dr Vanlalthlana chuan India ram state zinga ziak leh chhiar thiam tam ber a nih theih nana Mizoram Sawrkar hmalakna hlawhtlinna turin kohhran, tlawmngai pawl hrang hrang bakah zirtirtute leh zirlaiten an thawh hlawk hle tih sawiin, “NEP 2020 zulzuiin Critical Life Skills and Occupational Skill Development Programme hnuaiah thiamna chi hrang hrang zirtir ṭhin a ni. Kum 2026 thlengin training chhuak mi 634 an awm tawh,” a ti.

Mizoram chu India rama Fully Literate State-a inpuang hmasa ber a nih thu sawiin Dr Vanlalthlana chuan, “Periodic Labour Force Survey Annual Report thar ber tar lan danin Mizoram literacy rate chu 99.8% a tling tawh. Ziak leh chhiar thiam tam ber a nihna chu kum 2027 chhiarpuiah chhunzawm zel tumin Mizoram Sawrkar chuan hma a la reng a ni,” tiin state sawrkar scheme Rapid Action for Eradication of Residual Illiteracy Project (RAERIP) leh Central scheme ULLAS (Understanding Lifelong Learning for All in Society) kal tlangin hma lak chhoh mek a nih thu a sawi.