Commonwealth Parliamentary Conference-ah Lalbiakzama

Kumtina neih ṭhin Commonwealth Parliamentary Conference vawi 69-na, S. Africa khawpui Cape Town-a neih mekah Assembly Speaker Lalbiakzama a tel.

Conference thupui chu “Unity to protect Multilateralism, Observing International Law for Equality and Development in the Commonwealth and Beyond : The Role of Parliaments” tih a ni.
Khawvel huapa Paliamentary System chawisan zelna leh khawvel ram hrang hrangten rualkhai zawka hmasawnna kawng an zawh tlan theihna tur thupui hrang hrang hmangin sawiho a ni . Thil tam tak sawiho zingah “Artificial Intelligence in Parliament : Current Applications, Prospects and Implementation Strategies” ah Lalbiakzama chu Indian Delegates aiawha Lead Speaker turin an ruat.

Commonwealth Parliamentary Association hi tun hmaa British-in a lo awp tawh ram, Parliamentary System hmanga ram rorelna kalpuitute intel khawm niin ram 56 an tel a ni.

CPA Conference vawi 69-na hi September 13 aṭanga ṭanin September 20 thleng a awh ang. Kum 2027-ah conference vawi 70-na chu Ottowa, Canada-ah nghah a ni dawn.