Sep 18, 2026
Friday
Health Minister Lalrinpuii hmalakna a, lung zai ngaite zawnchhuahna – screening camp neitur Sri Ramachandra Institute of Higher Education & Research, Chennai hnuaia team member 12 awmna medical team-te chuan vawiin (18.9.2026) hian Mizoram an lo thleng.
Screening Camp hi vawiin tlai atangin Zoram Medical College & Hospital, Falkawn ah neih nghal a ni a, naktukah nilengin neih a ni bawk ang. He camp atanga lung zai ngai an thlanchhuah te chu Chennai-ah, an hospital CSR hmangin a thlawnin an lung an zai sak leh dawn a ni.
Sri Ramachandra Medical Centre-te hian an CSR kaltlang tho hian nikum lam khan Mizoram atanga damlo, lung zai ngai mi 33 lai a thlawnin a lo zai sak tawh a ni.
He screening camp a kal duh tan September 14 atang khan hun hawn niin, September 19 thleng chawhma dar 10 atanga chawhnu dar 2 thleng ZMC&H OPD Counter-ah inziahluh theih a ni.
