News

Vawiin (October 23, 2025) chawhma khan BJP Mizoram chuan Dampa Bial by-election lo awm tur atan Reiek Comunity Hall-ah campaign neih niin, Union Minister for Parliamentary Affairs & Minority Affairs Minister Kiren Rijijui-a’n a hmanpui.

Kiren Rijiju changtu Dampa Bial by-election lo awm turah hian lo kal satliah mai mai a nih loh thu sawiin, ‘Prime Minister hriatpuina na leh thu min tiam angin BJP Candidate in thlang tling a nih chuan Prime Minister blessing in dawng dawn. North East state-a MP nilai zingah MP ni rei ber ka ni tawh a, NE state hi ka enkawl turin mawhphurhna min pe. Chuvangin, vawiinah hian kan Prime Minister in min tiam angin Dampa Bial hmasawnna tur hian BJP Official Candidate kan neih chuan, Reiek khua ah ngei hian ka rawn kal leh dawn a ni. Reiek khuaten kan mamawh hrang hrangte hi a taka tih hlawhtlin vek a ni dawn a ni tih ka tiam duh che u,’ a ti.

Reiek khua chu khaw mawi leh nuam tak, NE state pumpuiah pawh khawmawi berte zinga mi a nih thu sawiin Union Minister chuan, ‘He a ram mawina hi awmze nei zawka hmangtangkai turin Reiek khaw mipuiten tih tur erawh in nei a, chu chu BJP Candidate lo vote mai hi a ni. Vawiinah hian Dampa Bial hmasawnna tur a lehkha thehluh hrang hrang,  NGO te leh pawl hrang hrangte atangin ka dawng,’ tiin pawl hrang hrang mamawh zawng zawngte tihhlawhtlin na tur leh an thil dilte an hmuh theihna turin BJP Candidate thlang tling turin a ngen.