Jul 27, 2026
Monday
AMC subject hrang hrang zirchiang tura Study Team din zinga pakhat, Shop Licensing & Hoarding Regulation zirchiang tute chuan vawiin (27.7.2026) chhun khan Aizawl Mayor H. Lalremtluanga hnenah an zirchianna report leh an rawtnate an thlen.
Shop Licensing & Hoarding Regulation Study Team hi Executive Corporator Christina Roluahpuii Sailo kaihruaiin, officer incharge Baby Zohmingliani chu secretary a ni.
Study Team chuan rawtna leh report hrang hrang an thehluh pahin an sawifiah nghal a, a tul anga bawhzui sak thuai turin Mayor hi an ngen nghal.
An rawtna thlen zingah hian shop licencing rate zone wise a then dan tur te, hoarding regulation mumal zawk a kalpui dan turte leh an dan hman mekte Aizawl khawpui tan tha zawk a kalpui dan tur hrang hrangte a tel.
AMC hian an subject chi hrang hrangte zir chiangtu tur Study Team pakua a din a, Executive Corporator-te’n an kaihruai a ni.
