AFC leh Chanmari FC tanpuina hlan

Mizoram atanga Indian Football League khel club pahnih – Aizawl FC leh Chanmari FC – te season liamtaa an senso tanpuina chu vawiin (29.7.2026) chawhnu dar 1:30 khan khan Sports Minister Lalnghinglova Hmar chuan a office-ah club pahnih hruaitute kutah a hlan.

Indian Football League club pahnihte hi a vawikhat nan Mizoram Sawrkar chuan Bana Kaih (Handholding) atangin cheng nuai 25 lakh ve ve in a tanpui. April 16, 2026 khan 1st installment cheng nuai 17.5 inhlan tawh niin, vawiinah Sports Minister hian 2nd installment cheng nuai 7.5 ve ve a hlan a ni.

Sports Minister PMizoram Sawrkarin infiammite bana kaih a ngaipawimawh tih sawiin, “Football kaltlangin Mizo thalai tamtakin eizawnna an nei a, season liamta khan Indian Super League leh Indian Football League ah Mizoram player 100 chuang an tel. Hei hi player te leh an chhungte bakah a state pum ang pawhin kan hlawkpui pha a ni,” a ti.

Football leh sports discipline dangte chu thalaite hmasawnna thlentu pawimawh tak a nih avangin Bana Kaih Scheme nen pawh a inhmeh a, pawisa hmanna awm tak a nih thu pawh Lalnghinglova Hmar chuan a sawi.