Nimin (19.6.2026) khan YMA Duty-ten North Chawnpui khaw daiah zu phurhna atan hman lirthei pakhat a ding tih an hrilh bawhzuiin police-in zu (a senchi) leh beer thahnem tak an man.

YMA atanga an thudawm bawhzuiin Bilkhawthlir Police Outpost-a duty-te chuan North Chawnpui hi an pan nghal a, motor chhungah hian Royal Stag Whisky case 45; Iconic White Whisky case 25 leh Kingfisher Beer case 45 an hmu chhuak a ni.

Motor-ah hian chuang an awm loh avangin mihring man an nei rih loa, zu phurhna atana hman Mahindra Pickup (AS 11/GC – 3225) chu an hreng nghal.

Vairengte Police Station-ah thubuai ziak lutin, zu tawlhnaa inhnamhnawih te hi an chhui nghal a ni.