Phaisen Police Check Gate-a duty-te zu (a senchi) leh beer tawlhruk a awm tih thu an dawn bawhzuiin vawiin (16.6.2026) hian a senchi thahnem tak an man.

Phaisen Police Check Gate-a duty-te hian check gate paltlang tum truck (AS 24 C 2999) chu lo tidingin an endik a, Royal Stag Whisky um 9, Iconic White Whisky um 108; Royal Green Whisky um 9; Godfather Beer Can 720; Kingfisher Beer can 2,064; Haywards 5000 Beer can 24; Simba Beer can 264 leh MC Dowell’s Rum um 48 hmu chhuakin an man.

Truck khalhtu Riyajul Rahman Barbhuiya (23) Assam Hailakandi District-a Dhalcherra khaw mi nia insawi chu man nghal a ni. Police-in zu leh beer an man hi printed price angin ₹4,11,000 man a ni.

Zu man chungchangah hian Vairengte Police Station-ah thubuai ziah luh a ni.