Feb 25, 2026
Wednesday
MNF member pathum Lalchhandama Ralte, Ramthanmawia leh Prova Chakma bakah BJP member Dr K Beichhuate zawhna inawm chhangin Planning changtu Chief Minister Lalduhoma chuan ZPM mi leh sa ni lo tan pawh CM Special Package dawn theih a nih thu House a hrilh.
Chief Minister tarlan danin, CM Special Package Grant “Guidelines for Handholding Support to Progress Partners Phase-11 sub Para 3.2.2, sub Para 6.3.2 leh Para 6.2” in a sawi angin Sorkar-in a kalpui a. Dilna hi India khua leh tui, Mizorama khawsa nghet, sorkar hnathawk lai ni lo, mahni eizawnna kawnga ti tak takte tan dil theih a ni. Eizawnna kawng zawh mek lai hlawhtlinpui tura ti tak tak mi, puih tlak ni a Implementing Department-in an ngaih ten an dawng thei a ni. Chutiang mi, ZPM mi leh sa ni lo tan pawh guidelines-in a sawi angin CM Special Package hi dawn theih a ni e.
CM Special Package hnuaia hmalakna sum Progress Partner-te hnena pek chhuah hi Department a zirin amount inang lo a awm a, department thenkhatah nuai 1 a nih laiin thenkhatah chuan nuai 1 pha lote pawh a awm a, an project activity a zirin Implementing Department-ten hei hi an siam rem thin. Sum hi progress partner-te hnenah tumkhatah a vaia pek an ni.
