ZPM-in tul an ti lo

ZPM chuan thuchhuah siamin, Assembly House pawn lama debate neih tul an tih tawh loh thu leh thudik hre duh tan a chian tawk tawh thu an tarlang.

ZPM tarlan danin, Mizoram Legislative Assembly Session-ah ni 27.8.2026 khan Dr. Lalthangliana, MLA chuan Memorundum of Settlement (MoS) leh Inner Line Regulation (ILR) chungchangah calling attention motion a pulut a ni.

Hemi chungchangah hian Chief Minister Lalduhoma chuan debate neih ni se tih a rawt a, Leader of Opposition Lalchhandama Ralte pawhin debate neih nan ni khat dang session pawhsei ni se tih a rawt a ni.

He rawtna hi Speaker-in emaw, a rawttu ngei leh member dang tute mahin an sawi zui tak loh avangin Assembly House chhungah chuan debate chu neih a ni ta lo.

He issue chungchang hi fiah tawk takin media hrang hrangah sawizui a ni. Thudik hre duhtute tan chuan a chiang tawk em em tawh a ni.

Chuvangin, ZPM chuan Assembly House pawn lama debate neih hi ṭul a ti tawh lo a ni.

Tarlan tawhin angin MNF Thalai President Gogo Lalremtluanga chuan Chief Minister debate sawmna MNF Thalaiten an pawm thu leh a hun atan October 2, 2026 an ruat thu a sawi a ni.