Feb 19, 2026
Thursday
Vawiin (19.2.2026) Assembly Session-ah Lawngtlai West Bialtu MLA C Ngunlianchunga chuan a bial chhunga retailer-in hek a tawh thu a sawi.
C Ngunlianchunga chuan a bial chhung Damlui khaw retailer chuan LADC inthlan neih zawh takah khan an chhungte a nih vangin Congress Party candidate a vote tih sawiin, “ZPM unit lamin an hek nasa hle. Department lamin an hlau bawk si a, an buai khawp mai. Thil a tih dik loh vang ni loin, Congress a vote vang chauh a ni,” tiin retailer ni tura ZPM nih kher a ngaih leh ngaih loh a zawt.
Food Civil Supply & Consumer Affairs Minister B Lalchhanzova chuan retailer ni turin ZPM nih kher a ngaih loh thu sawiin, “Sorkar kal tawhte hangover kan la tuar. Kan party miten sorkar hmasate pawhin an tive tho an ti a, keini chuan sorkar kal tawhte tihdan tha lo kan tive kher tur a ni lo tiin kan inkhap nasa ve khawp mai,” a ti.
