Nov 03, 2025
Monday
Vawiin (3.11.2025) hian MNF chuan an office-ah chhung inkhawm an hmang a, thusawitu MNF Thalai President Robert Romawia Royte, MLA chuan ZPM-in dan an bawhchhiat nasat thu a sawi.
Robert Romawia chuan ZPM sorkar hnuaiah dan bawhchhiatna a nasa em em nia sawiin, ‘Kuhva tawlhruk a hluar a, fertilizer tawlhruk chungchangah pawh Chief Minister a inrawlh nia sawi a ni. Dampa Bial by election campaign neih mekah pawh ZPM Sorkar hian dan an bawhchhe nasa hle. Dan bawhchhiat hi engah mah an ngai lo ni hialin a lang a, a pawi hle a ni,’a ti.
Dampa mipui zingah ZPM hlawkpui an awm lo tih sawiin Robert Romawia chuan, ‘ZPM hian buhfai man a letin an ti to a, electric bill a an ti sang nasa hle. Dampa Bial kawng a chhe em em,’ tiin Dampa Bial mipuite’n ZPM Sorkar hian engmah tak tak an ti thei lo tih hria se a duhthu a sawi.
