ZPM an inthlang dawn lo

Vawiin (26.8.2026) hian ZPM General Headquarters Executive Committee Meeting vawi 8-na Vanapa Hall, Aizawlah neih a ni a, tuna ZPM Elected Office Bearers (EOB) ni laite an ‘term’ a tawp dâwn tâk avangin hruaitu thar turte chu inthlang loin, a ruata ruat ni se tih lungrual taka pawm tlan a ni.

ZPM thuchhuah tarlan danin, term thara ZPM General Headquarters Elected Office Bearers (EOB) thar tur ruattu tur atana Val Upa Council (VUC) te kuta dah rawtna chu Executive Committee Meeting hian a pawm. EOB thar ruat turin Val Upa Council (VUC) hian phungbawm sawm se, tiin lungrual takin an pawm tlang bawk a ni.

ZPM Gen. Hqrs. Elected Office Bearers hi President, Senior Vice-President, Vice-President leh Treasurer pakhat ṭheuh an ni ang, tiin July ni 16, 2026-a ZPM Danpui ‘amendment’ chuan a lo pawm tawh. September 29, 2026 khian R. Dengṭhuama Hall, Mualpuiah ZPM hian Mizoram pum huap General Assembly nei turin ruahmanna a lo siam tawh a ni.

Ruahmanna hmasaah chuan September 29 hian ZPM hruaitu thar tur thlan nghal tur a ni a, vawiina an thutlukna avangin an inthlang dawn ta lo.