ZPM an in set hlum &#8211; Ruatkima

Vawiin (16.10.2025) hian MNF Treasurer Lalruatkima chuan Dampa Bial khaw hnih – West Phaileng, Dinthar leh Ṭuahzawl te a tlawh a, ZPM chu an in set hlum niin a sawi.

Khaw pahnihah hiam Lalruatkima chuan thu sawiin, “Ruling party-in candidate an tisual hi keini lam tan chuan a lawmawm hle a ni. ZPM hi an in set hlum a, an hotu sang lam pawhin candidate thlak an sawi ri vut vut hman. Candidate thlak loa nomination a file fel ta hi a lawmawm tak zet a ni. Candidate set dan aṭangin ZPM hian MNF min campaign pui nasa hle a ni,” a ti.

MNF Treasurer chuan Mizo mipuiten ZPM kan enchhin hi kan inchhir hle tih a chiang tawh tih sawiin, ‘PWD Minister banah Minister leh MLA rualin an kai ṭang ṭang a, an kaichhuak zo lo. Kawng a chhe em em a, Zoram kan buai ta nuai mai a ni. gas leh petrol leh nitin mamawh a rawn lut hlei thei lo ta fo mai. Buhfai man nasa takin a pung a, electric bill a pung awk awk,’ tiin kalphung tharah chuan Krismas leh kumthar pawh gas ngheia hmachhawn thei dinhmunah Zoram a ding ta mek niin a sawi.