News

Aizawl North-III Bialtu MLA K Sapdanga, Minister chuan vawiin (11.5.2026) chhun khan a office-ah a bial chhung Chanmari Venga office nei Zo Inspiration Foundation hnenah MLA fund atangin computer full set, laptop leh printer a hlan a, Zo Inspiration aiawhin an secretary Emmanuel Thangrosanga’n a dawng.

K. Sapdanga chuan, Zo Inspiration rawngbawlna a ropui a tih thu leh midang tana malsawmna ni zel tura duhsakna a hlan thu sawiin, “Kan bial chhung Chanmari-ah office neia in awm avangin MLA fund hmangin in mamawh ang zawng zawng ni lo, in mamawh zualpui kan pe ve thei che u hi lawmawm kan ti. In rawngbawl zelnaah tangkai taka in hman ngei kan beisei,” a ti.