News

Vawiin (9.9.2026) hian Central YMA Hall-ah Central Coordination Committee (CCC) vawi 106-na neih a ni a, Central YMA President R. Lalngheta chuan kaihhruaiin Central YMA Office Bearers 5, CEC member 42, Sub-Headquarters aiawh 37, Group aiawh 60 leh Aizawl City Branch aiawh 80; an vaiin member 224 an tel. YMA Rorel Inkhawm vawi 5-na agenda tur an thlifim.

October 22, 2026-a LPS Arena, Falkland, Aizawla neih tur YMA Rorel Inkhawm vawi 5-naa pharh tur Agenda hrang hrang thlitfim a ni a, a hnuaia tarlante hi an pawm.

YMA khawih :

1.Mizoram pawn atanga company, Mizoram chhunga hna rawn thawktuten hnathawktu atan ram leilung fa tam zawk an chhawr theih nan Central YMA-in hma la chhunzawm zel rawh se.

2.Central YMA-in aia upa zah inzirtirna kawngah tun aia chak zawkin hma la rawh se.

3.Environment humhalh chungchangah chak zawkin hmalak ni rawh se.

4.Mizo lengkhawm hlate a ral mai loh nan khawhar inah a tam thei ang ber sak anih theih nan CYMA-in hma la rawh se.

5.YMA hlate (YMA Hla Bu a mi) uar zawka sak a nih theih nan leh thiam kan lo tam zawk theih nan Central YMA-in hma la rawh se.

Sawrkar khawih :

1.Bairabi atanga Sairang inkar Rel Station/Sub-Station-ah te hian uluk zawkin ILP check a nih theih nan Central YMA-in hma la rawh se

2.Mizoram leilung fate kan him nan Trading Regulation felfai tak kan neih theih nan sawrkarin chak zawkin hma la rawh se.

3.Mizorama raltlante awm dan leh foreigner mi, dan lova rawn sumdawngte khuahkhirhna mumal zawk a awm theih nan hmalak ni rawh se.