VOLUNTARY BLOOD DONATION DAY

Vawiin (October 1, 2025) hian Mizoram State AIDS Control Society leh Association for Voluntary Blood Donation te bakah, blood bank hrang hrangte chuan Govt. Hrangbana College Golden Hall-ah National Voluntary Blood Donation Day an hmang a, hmeichhe zinga thisen pe tam tawhte hnenah chawimawina hlan a ni.

South Tuipui Bialtu MLA Jeje Lalpekhlua chu khuallian a ni a, khuallian hian thisen a pe nghal nghe nghe. Jeje Lalpekhlua chuan, damlote nunna chhanna atana thisen petute a chhuan thu leh hmeichhia thahnem takin vawi tam tak thisen an pe tawh chu ropui a tih thu a sawi a, ‘Vawiina hmeichhia donor kan chawimawite hi ka tluk loh vekte in ni a, ka chhuang tak zet che u,’ tiin, Mizo thalaite avanga Mizoramin India hmarchhak state zingah a voluntary blood donation-a ti tha ber lawmman a dawng thei chu ropui a tih thu a sawi.

Hmeichhia thisen a thlawna pe tam, chawimawina an hlante chu :

1. Rebecca Saimawii, Dawrpui – 88
2. Zothantluangi, Mission Veng – 65
3. Malsawmdawngi, Kulikawn – 55
4. Lalthanmawii, New Capital Complex – 37
5. Lalramthangi, Upper Republic – 36
6. Lalngaizuali, Durtlang – 32
7. Malsawmtluangi, Tanhril – 29
8. T Lalhmangaihzuali, Ramthar North – 28
9. Lalruatsangi, Ramthar North – 23
10. Rody Lalngaihsaki, Vaivakawn – 22
11. R Zoramthangi, Zemabawk North – 21
12. H Zonunsangi, Thingsulthliah – 21
13. F Lalmuanpuii, Bethlehem VT – 20