News

Vawiin (14.10.2025) chhun khan Dampa Bial MLA by-election lo awm tura ZPM candidate Vanlalsailova chuan ZPM Val Upa Council (VUC) hmaa thutiam a la. VCC-te hi ZPM General Headquarters Elected OB te an tel a ni.

Thutiam lakna hun hi ZPM office-ah hman niin VUC Vice Chairman Rinsanga, IAS (Rtd).-in a kaihruai a; VUC member Maj. Thanruma’n ṭawngṭaisakna hun hmangin; VUC member Dr. Vanlalhluna’n fuihna thuchah a sawi.

VUC chuan Vanlalsailova chu election dan zawm chunga theihtawpa campaign tur te; thlan tlin a nih pawhin ram danpui hnuaiah, Pathian tihna nen ram leh hnam rawngbawl tura inbuatsaih turin an fuih.

Vanlalsailova chuan VUC ṭhnahemngaihna leh fuihna thuchah chu a tan a hlu hle tih sawiin, a hriatreng tur thu leh a taka zawm ngei a tum thu a sawi.