Vangpui Lunglen a hnai ta

Mizo rimawi huanga mi tam tak ngaihhlut leh ngaihven em em, Mamit Vision buatsaih Vangpui Lunglen tum 6 na chu November 1, 2025 zan dar 8 hian Hangzo Natural Park, Lawipuah tlangzarh a ni dawn a, live show neih a ni nghal ang.

Kumin Vangpui Lunglen ah hian Mizo hla hlui mawi tak tak ngaihtlak tur a awm dawn bakah ‘Darthanmawii zûn’ tih hmangin lemchan hmuhnawm tak zeh tel a ni. Mizo lengzem artist kan neih that tak tak, LPS Youth Icon pahnih Taitea leh K Lalthlamuankimi te, Mawimawia, Thangromawia, Jenny Jathang leh Bzi Tochhawng te bakah host Baby Zomuanpuii Fanai an in lan dawn. Anni bakah hian a film ti hmuhnawm zual turin Miss Mizoram Champhai Bawihpuii Ralte, Lawmsanga Chhangte leh Aldrina te an inlan tel.

Ticket hi Rs. 100 man chauh niin hengahte hian lei theih a ni. Kristie House of Beauty, Zarkawt. Apollo Men’s Wear, Chanmari, The Electronic Store, Khatla, Corz Seconhand, Chawlhhmun, online booking 9366208033 bakah a hmunah lei theih a ni ang.