Vanapa Hall thiah tum a ni

Vawiin (23.2.2026) Assembly Session-ah Chief Minister Lalduhoma chuan Vanapa Hall awm mek hi thiatin, Assam Rifles chhuahsan ramah Vanapa Hall sak a nih dawn thu a sawi.

MNF member Robert Romawia Royte in Assam Rifles chhuahsan rama Laldenga Auditorium sak tura Union Home Minister Amit Shah in lungphu a phum vek tawh thlen chin zawhna chhangin Chief Minister chuan, “Assam Rifles chhuahsan ram hman dan tur hi keimahni maia rel tha kan ti loa, political party leh NGO aiawhte telna committee din a ni a, chu chuan ram hman dan tur a rel a ni,” a ti.

Lalduhoma chuan MNF telvena ngeiin Laldenga Auditorium hi chu an hnawl thhu sawiin, “Member zingah Laldenga Auditorium awm lo tura rawtna kan dawng a, a document pawh a la awm. A hunlaiin tumahin an sawi sel a lo,” tiin committee atang hian a hnuah party thenkhat an inhnukdawh thu a sawi.

Vanapa Hall thiah a, thil tangkai danga hman rawtna a awm thu sawiin Chief Minister chuan, “Assam Rifles chhuahsan ramah hian Convention Centre lian tak sak tum a ni. Vanapa Hall awm sa hi thiatin, Convention Centre sak tur hi Vanapa hming a daih lohna atan Vanapa Hall tih hming phuah tha tih a ni. In hnaih taka hall lian pahnih awm tha tih a ni lo. A awm kawp chuan hman kawp a nihin traffic a jam nasa lutuk hlauh a ni,” a ti.