Vanapa Hall kawtah MNF an pungkhawm

Vawiin (16.3.2026) chhun khan MNF-te chu thudik sawi tur leh dawt hmanga Mizoram hruai tawh lo tura Chief Minister Lalduhoma phutna atan Vanapa Hall kawtah an pungkhawm a, MNF Treasurer Lalruatkima’n thu a sawi.

MNF Treasurer chuan, “Mizoram politics-a la thleng ngai lo, CM dawtsawi hrat lutuk vanga punkhawm a ngai hi a vanduaithlak. Kan leiba leh kan budget dinhmun thlirin a lungawi thlakloh hle a ni. Kan ramah sum lengvak a tlem a, dawt erawh a leng nasa hle. UNNATI chungchangah hian kan CM hi dawtsawiah a puh loh theih loh, a dawtsawi level a hniam hle. UNNATI leh SBI a hriatpawlh tlat mai hi a mak. Lengpui ram hralh sum kawngbo nen a hriatpawlh em ni,” a ti.

Election kan hmachhawn tawhah rorellai an che chhe ta zel nia sawiin Lalruatkima chuan, “AMC election chungchangah a chhan sawi tur awm si lovin inthlan an puang thei loa, an candidate tur pawh an la puang thei lo a, inthlan an cholo tih a langchiang hle. Aizawl khawpui sawn a, Aizawl chhungah hmasawnna engmah thlen tum tawh loin hma an la,” tiin MNF chuan AMC hmang leh a theih ang angin Zofate Jerusalem Aizawl cheihnum deuh deuh an la tum zel thu a sawi.

Lalruatkima chuan Mizo hnampa Laldenga hun lai atanga MNF-in hma a lo lak tawhna, Zoramthanga sorkarin theihtawpa a bawhzui zel leh lo hlawhtling ta, ZPM Sorkarah a hlawhtlinna tak lolang ta Assam Rifles chhuahsan ram mipui tana tangkai tura cheibawl a lo ni dawn nia sawiin, “A lawmawm ka ti a, Aizawl mipuite chanai AR-te duhsak taka tui supply tute hi kan vote lo ngam dawn lawm ni ?. AR-ten lei man zawng zawng an awl bikna tura inremna siampuitu sorkar kan nei hi a pawi lutuk. AR-te leh ZPM sorkar inremna hi thangtharten agreement chhe ber an la rawn ti dawn,” a ti.