Tualthattua nia hriat jail-ah dah

Ni 31.12.2025 zana K Vanlalngaii (78) w/o Lawmthanga (L), Lunglei Bazar Veng thattu ni ngeia hriat Johny Rosangliana (41) s/o J Vanlalchhunga, Lunglei Bazar Veng chu jail-ah dah a ni tawh.

Tarlan tawh angin Johny Rosangliana hi ni 1.1.2026 zan dar 9 velah Lunglei Police-te chuan an man a, thu an zawhfiahnaah pawikhawihtu a nih ngei thu a inpuang. Johny-a hi Lunglei Police-te chuan ni 2.1.2026 khan Lunglei District Court-ah an hruai a, chumi hnuah Lunglei District Jail-ah dahluh a ni.

Lunglei Police-te chuan he thil thleng hi an chhuzui zel a, an chhui zawhah an thil chhuina report (chargesheet) chu court-ah thehlutin, court chuan Johny Rosangliana chungthu a rel ang.

Tarlan tawh thin angin K Vanlalngaii amah chauha awm a ni a, ni 31.12.2025 zan dar 9 vel khan a fate, Lunglei Luangmuala cheng chuan tlawh an tum a, thiin a chenna inah hian an hmu. Tualthahna ni ngeia hriat a nih avangin Lunglei Police-te chuan thubuai an ziaklut a ni.