Aug 12, 2026
Wednesday
Vawiin (12.8.2026) chawhma dar 10 vel khan Vanlalpeka (39), Champhai Tlangsam leh Lalengmawia (33), Chalrangte chu tui dahna tanky-ah an chetsualna vangin an thi.
Police report danin, Lalengmawia leh Vannunmawia (52), Champhai Tlangsam chu Champhai Tlangsamah mi tanky tifai turin an inhlawh a, an luh hnu lawkah an talbuai zui a ni. An mangang au thawm hria, an bul hnaia hnathawk nunna chan ta Vanlalpeka leh Lalhmingthangate chuan chhan tumin tanky-ah an lutve a, an talbuai zui ve a ni.
A chhak lama hnathawkten thawm an hriat hnuah chhan chhuah hna an thawk a, damdawi-in panpui nghal vat an ni. Vanlalpeka leh Lalengmawiate hi chhan theih a ni tawh lo. Vannunmawia hi he thuziahlai thleng hian oxygen pek mek niin, Lalhmingthanga chu sub. centre-ah enkawl a ni. Tanky hi feet ruk vela thuk niin, feet 1 leh tlem vel tui a tling.
Lalengmawia hian Champhai Tlangsam mi nupuiah a neia, a ruang chu an khua Chalrangah lak a ni dawn.
