State Day of Prayer hmang leh dawn

State Day of Prayer Committee bultumin kumin hian a tum thumna atan State Day of Prayer hman a ni leh dawn a, thupui atan ‘I din thar leh ang u (Nehemia 2:17)’ hman a ni dawn.

Vawiin (13.2.2026,) chuan Aizawl Press Club-ah press conference neiin, State Day of Prayer kumina hman a nih dan tur an sawifiah. Tawngtaiho tura inbuatsaihna atan senso ngaite mi thahnemgaiten an thawh thin thu sawiin, rawngbawlna pawimawh tak a ni tih hriaa luang chhuak turin mipui an ngen. An treasurer Baby Zonunmawii hnenah a duh tan 8731093072 ah G Pay theih a ni.

An sawi danin, kumin hian State Day of Prayer hi Lammualah ni 5 chhung (February 16-20) hman a ni dawn. He hunah hian State Day of Prayer Committee chuan mi zawng zawng tek turin an sawm a ni. Party leh sorkar hmalakna ni loin, kohhran hrang hrang intelkhawm hmalakna a nih thu an sawi uar hle, “Eng party pawh sorkar se kalzel se tih hi kan duhdan a ni, ropui zawka hman zel kan tum,” a ti.

State Day of Prayer hi Lammual bakah Mizoram chhung leh pawn hmun hrang hrangah pawh hman a ni dawn.

Lammuala hman dan tur:

*February 16-19 chhung chhun lamah tawngtaihona hman tur

*February 18 zan dar 8 atanga a tuk zing dar 6 thleng tawngtaihona neih tur a ni. Lammual leh pandal hlan nghal a ni ang.

*February 19 zan dar 8 atanga a tuk zing dar 6 thleng tawngtaiho tur a ni.

*February 20 ah nilengin Mizoram tana tawngtai ho tur a ni. Hmun li atangin kein leh hmun thum atangin two wheeler-in kawng zawh dawn a, Lammualah an kalkhawn ang. Lammualah dar 12 ah hun hman a ni dawn. Mizo thuam emaw, mahni remchan ang ang hak mai tur.