Saza kaptua puh an man

Kolasib DFO PC Laltanpuia chuan circular ti chhuakin, vawiin (12.08.2026) hian nungcha humhalhna dan (Wildlife Protection Act,1972) bawhchhia-a puh RT Thanga (41) s/o Lana
Kawnpui Hmarveng, Kolasib District chu District Court, Kolasibah hruai a nih hnuah jail-ah dah luh a ni tih a tarlang.

Kolasib DFO tarlan danin, RT Thanga hi state animal Saza (Capricornis Rubidus) kap a, a sa leh a lu (trophy) kawlah puh a ni a, vawiinah Range Officer, Kawnpui Forest Range hmalaknain man a ni. A hnen atang hian Saza kahna silai (12 Bore SBBL) leh Saza sa deep freezer chhunga dah kgs. 10.5 kg leh a kawchhung (a chek) chhum hmin sa bakah a lu (trophy) te man tel a ni a, hengte hi Judicial Magistrate First Class thupek angin Kolasib District Honorary wildlife Warden H Vanlalnghaka hoa tihchhiat/phumbo nghal an ni.

Saza hi nungcha humhalhna dan hnuaiah venhimna sang ber (schedule-I) hnuaia awm a ni a, tihhlum, a sa ei leh lei/hralh bakah tihhlum tuma veh/pel te hi khap tlat a ni. Hetiang ti lui man chhuahte chu thiam loh chantir an nih chuan kum 3-7 chhung lungin tan leh Rs 25,000 aia tlem lo chawitir a hrem tur an ni.

Kolasib Forest Division chuan Nungcha humhalhna dan bawhchhe lo tur leh kan ram rohlu nungcha min humhalhpui turin mitin an sawm nawn leh a ni.