Feb 10, 2026
Tuesday
Mizoram Agriculture Marketing Board (MAMB) nimin (9.2.2026) a thukhawm chuan Secondary Collection Centre (SCC) a sawhthing lei turten an leina man tur a bituk thar.
SCC-a sawhthing leina man tur hi a tirah chuan kg. khat Rs. 40 atanga Rs. 45 tura bituk a ni. Nimina MAMB thukhawm chuan Rs. 30 atanga Rs. 35 turin a ti hniam. SCC hrang hrangah sawhthing man bithliah hi a in ang loa SCC tona berah Rs. 35 niin, a tlawmna berah Rs. 30 a ni.
Thudawn danin, buyer zingah SCC a sawhthing kg. khat Rs. 40 to Rs. 45 a lei duh an awm mumal loh vangin a rate hi tih hniam a ni.
Mizoram Sorkar chuan SCC-a sawhthing leinain Rs. 50 a tlin lohna zawng chu kut hnathawhtute hnenah support price a pe ang.
