Oct 30, 2025
Thursday
Mizoram Sawrkar chuan Lengpui Airport runway a cheitha dawn a, a cheithatna atan cheng vaibelchhe 91 hman a ni dawn.
Bengvarna thudawn danin, Lengpui Airport cheithatna atan hian SASCI hnuaiah cheng vbc. 91 ruahman a ni a, a cheithatu tur contractor pawh thlan a ni tawh. Contractor-te hian Mizoram PWD enpuina hnuaiah hna an thawk ang.
Contractor-te hian bungrua leh hmanrua chhawp tawh mah se, ruah a tlak leh thin avangin hna an la tan lo. Khuain a zir veleh hna an thawk tan dawn.
Hna hi thlawhtheihna service tibuai lo tura thawh tum a ni a, thlawhtheihna service zawhah zankhuain thawh a ni ang. Tun dinhmunah Lengpui Airport runway chhah zawng/that zawng (PCN) chu 36 a ni a, Airbus 320/Boeing 737-800 te pawh full load-a an tum theihna tur PCN 50 ah tihsan tum a ni.
