News

Kum 2025 – 2027 chhung atana Central YMA president atana thlan R Langheta chuan nizan (23.10.2025) YMA Inkhawmpui Lianah ruihhlo zuarte thu chahin, ruihhlo an dona kawng dal lui tlatte chu tih tliah hmawk an nih tur thu a sawi.

R Lalngheta chuan Mizoram thalaite damdawi (ruihhlo) rawn pe ngar ngar tute chu kawng laka an awm pawhin an pal tur thu sawiin, ‘Hri tha lo hlauhawm tak ai pawha hlauhawm zawkin kan thalaite, kan unaute an hrai. Rukruk leh tualthah thlengin a tam phah a, kan khawtlang a him lo. Chung him loa rawn siamtute chu damdawi zuarte an ni,’ a ti.

Ruihhlo zuarte thu chahin R Lalngheta chuan, ‘YMA-in a theih chin chinah hma kan la ang, sorkar nen tangrualin. Chumi kawnga kan kawng dal lui tlat, zilhhau fo pawha ring ti khawng lui tlatte chu tih tliah hmawk an ni ang,’ tiin a sawi.