Ruihhlo thahnem tak tiral

Nimin (28.07.2026) tlai dar 3:00 khan Central YMA Hall, Tuikhuahtlangah Central Anti Drugs Squad (CADS) 3rd Batch, 2026 member tharte lawmluhna hun neih a ni a, he hunah hian Central Anti Drugs Squad (CADS) 2nd Batch leh Zone Anti Drugs Squad (ZADS) te ruihhlo man hrang hrang tihralna hun hman nghal a ni.

CYMA Vice President Prof. Lalnuntluanga chuan CADS member tharte fuihna hun a hmang a, CYMA Finance Secretary MS Ralte (CADS 3rd Batch Convener) chuan thu sawiin, chumi hnuah ruihhlo tihral a ni. CADS 3rd Batch Convener puipa tur dagte chu Asst. Convener Lalbiakkunga, CEC leh John Kima CEC; Secretary Israel-a, CEC leh Asst/ Secretary Lalbuatsaiha, CEC-te an ni.

Report tarlan danin, CADS 2nd Batch hun chhung April 22 – July 28, 2026) a CADS leh ZADS (Zone I – X) hrang hrangte ruihhlo man zawng zawng nimin a tihral tak te chu:

Heroin No. 4: Hawng 432, TicTac 1870 leh Chhinsen 998 – An rih zawng grams 5,935.22 g (5.935 kgs)
Methamphetamine (Meth): Tablet 90,061
Ganja: 21 kg gram 894
Cough Syrup: Bur 5,245
Damdawi ruihchi (AP, Pregabalin etc.): Tablet 19,066, Box 1 leh Strip 6