May 19, 2026
Tuesday
Mizoram Police tarlan danin, ni 18.05.2025 tlai dar 5:45 vel khan, motor pakhat, NEXON car (a var) registration no. ML/05 V – 3282, Manipur aṭanga Aizawl pan mek chu, dan phal loh ruihhlo phura rinhlelh a nih avangin Keifang junction-ah tihdin a ni.
He motor hi uluk taka dap niin, methamphetamine nia hriat bawm 20, mum 202,000, a rih zawng kgs. 24.016, tualchhung rate-a chhuta Rs 19,21,28,000/- man hu chu hmuh chhuah a ni.
Heng ruihlote hi motor hnung lam, spare tyre dahna hnuai leh mud guard sir tawn ve veah te polythene duma tuamin thuhruk a ni.
Heng ruihhlote hi Th Onkhothang Haokip (33) s/o Th Ngamkholet Haokip, Moreh, District Chandel, Manipur leh Mathew (46) s/o Ngamkhojang, Jolzam, Churachandpur, Manipur nia inchhalte kut aṭanga man a ni.
Heng mi pahnihte bakah hian ruihhlo leh an phurhna lirthei hi man nghal a ni.
He thilah hian NDPS Act, 1985 tlawhchhanin section 22 (c)/25/29
hnuaiah thubuai (case) ziah luh a ni a, chhui zui mek a ni.
