Feb 22, 2026
Sunday
Assam Rifle-te chuan ni 20.2.2026 khan an thudawn bawhzuia mobile vehicle check post (MVCP) an siamnaah methamphetamine thahnem tak an man.
AR-te hian MVCP hi Kaukichhuah, Lawngtlai District-ah an siam a, Myanmar atanga lawngleng hmanga Koladyne lui atanga Mizorama lo lutte chu ringhlelin an endik a, methamphetamine mum 80,000 (kgs. 3.95), cheng vbc. 11.85 man hua chhut an man sak.
Methamphetamine an man sakte hi India mi pakhat leh Myanmar mi pathum niin, pathum chuan kum an tling lo.
Kumtling awm chhun hi Lalramliana (40), Bungtlang khua, Lawngtlai District nia inchhal a ni. Midangte chu Myanmar mi vek niin kum 17 pahnih leh kum 15 mi pakhat an ni.
Methamphetamine leh mi palite hi dan anga hmalak chhunzawm turin AR-te chuan Bungtlang Police Station-ah an hlan.
