Petrol pump khar tintuah

All Mizoram Petroleum Dealers Association (AMPEDA) chuan press handout ti chhuakin, nimin (9.9.2026) a emergency meeting chuan an member thenkhatte hnathawk Pump Manager (hnamdang) te MZP-in an office-ah an hreng tih an tarlang.

AMPEDA tarlan danin, MZP-in an office-a an hrente hi cheng nuai 2 account no. 10763514287 (SBI main branch) ah tih luihnain ni 7.9.2026 khan an transfer tir bakah pump thenkhatah cheng nuai 1.2 account no. sawi taka transfer turin an ti mek a ni.

AMPEDA chuan he thil thleng hi tha an ti lo hle tih tarlangib, “A tawp thleng in kan do zel dawn a ni. Tuna pawisa an lo laksak tawh te hi ni 16.09.2026 ral hma a an pe kir lo leh tun a pawisa pe tura an tihte hi an hnukkir lo anih chuan Mizoram a petrol pump zawng zawng te chu ni 17.09.2026 atangin tiam chin awm lo a khar a ni ang,” an ti.

Hetianga tih luihna a pawisa in chhuhsak leh hnathawkte in hrensak hi AMPEDA chuan pawi an tiin, tun hnuah chuan thleng tawh lo se an duh tih an tarlang tel.