News

Dan loa foreign pawisa rawn lut a awm tih report an dawn bawhzuiin Assam Rifles chuan ni 20.1.2026 khan Burmese Kyat thahnem tak an man.

Thudawn danin, Assam Rifle-te hian an thudawn bawhzuiin Laki, Siaha District-ah mobile vehicle check post an siam a, ni 20.1.2026 zan dar 8 velah lirthei pakhat atangin Burmese Kyat 3,46,07,000 an man. Myanmar mi pathum leh Indian pahnih an man tel.

Myanmar mi an mante chu hmeichhia vek Daw Oo Ma Thin (50), Dawe Shwe Win (63) leh Dsw Kyaut Khine (21) te an ni. Indian te chu Lalhriatpuia (37), Rawmbawk, Siaha District leh Tumzasanga (34), New Siaha te an ni.

Pawisa leh mi pangate hi dan anga chhuizui turin Tuipang Police Station-ah hlan a ni.