Pathianah i innghat tlat ang &#8211; Zoramthana

MNF chuan vawiin (12.1.2026) hian kumin atan an office an hawng a, MNF President Zoramthanga’n thu a sawi.

Zoramthanga chuan Pathianin MNF a hruai dan hi a mak hle tih sawiin, “Underground hun aṭanga overground hnuah pawh ral vek theihna aṭangin min chhanchhuak ṭhin. Awihawm lo khawpa makin Pathianin min hruai a, min hruai zel dawn a ni. Manganna hrang hrang kara kum 64 MNF min hruai tawhtu Pathian hian MNF hi kawng laklawhah min kalsan lo ang. Pathian vuan tlat ila, Amahah i innghat tlat ang,” a ti.

India ram leh Mizoramah pawh party tam tak an ral tawh laiin MNF chu Mizoramah pawh party ruhrel lian ber an ni mek tih sawiin MNF President chuan, “Pathian leh kan ram tan’ tia kan din tlatna chu kan felnaah Pathianin a ruat a. In thlaphan dawn apiangin Pathian kan innghahna a ni tih hrereng turin MNF mipuite ka chah duh a ni,” tiin ‘Pathian leh kan ram tan’ an tih chu thiltihin a zui tur a nih thu a sawi.