Aug 19, 2026
Wednesday
Nimin (18.8.2026) tlai khan Chief Minister’s Conference Hall-ah Chief Minister Lalduhoma hoin Mizorama oil depot din a nih theih dan tur sawiho a ni a, B.Lalchhanzova, Food, Civil Supplies & Consumer Affairs Minister; Khilli Ram Meena, Chief Secretary; Vanlaldina Fanai, Finance Commissioner; T.L Guite, Law Secretary leh officials dangte bakah All Mizoram Petroleum Dealers’ Association hruaitute an tel.
Meeting-a tarlan a nih danin, Mizoramin oil depot a neih ve ngei theih nan hian a theih ang angin hma lak zel a ni a, Indian Oil Corporation Ltd. (IOCL) chu an mamawh ang ramte kawhhmuh a, thil tul dangte pawh a theih anga ngaihtuahsak zel an ni.
Meeting hian hmalaknate chak zawka a kal theih nan Central Ministry leh NEC lamte pawh dawr ve ni se, an ti a, thenawm state-ten oil depot an neih tawh dan leh an kalphungte zir tura official-te tirh chhuah tha tih a ni.
