Nupui pakhat bak neih phal loh

Vawiin (23.2.2026) Assembly Session-a Law & Judicial enkawltu Chief Minister Lalduhoma’n Mizoin inneih, inthen leh ro inluahna dan a neih tihdanglamna ‘The Mizo Marriage and Inheritance of Property (Amendment) Bill, 2026’ a put luh chu lungrual taka pawm a ni.

Chief Minister sawi danin, dan tihdanglam tak ang chuan nupui pakhat bak neih phal a ni lo. Nupui dang neih leh dawnin, inthenna certifcate phut a ni tawh dawn a, nupui pakhat aia tam a neih theih dawn loh. Nupui pakhat aia tam neih hi BNS, 2023 pawhin a khap hrim hrim a ni.

Mizo mipain hnamdang hmeichhia a neih chuan he dan hian a huam dawn a, Mizo hmeichhiain hnamdang a neih chuan he dan hian a huam dawn lo thung. Mizo hmeichhiain hnamdang a neih chuan a Mizo nihna a tawp dawn a, an fate’n tribal nihna an claim thei dawn lo.

Women Commission leh MHIP-in duh dan leh ngaihdan thlen thu sawiin Chief Minister chuan, “Mak an nihin chan a nei mang lo, sum chhuah a nihin hmeichhiain an chhawm an lalet thei thung. Mi thenkhatin, an nupuite ma duh si loin, an ti duh dah a, a tawpa sum chhuah lo thei loin an siam thin. Dan tharah chuan hmeichhiain sum an chhuah pawhin an nupa thawh chhuah 50% aia tam lo an chang thei dawn,” a ti.

Bill-a tarlan a nih dan chuan, dan tihdanglam tur atan hian MUP, MHIP, Mizoram Law Commission, Mizoram State Commission fo Women leh Central YMA atangin rawtna dawn a ni.