Naktukah vui a ni dawn

Kerala-a a hnathawhna swimming pool-a thi-a an hmuh Lalbiakfeli (31) d/o Lalzami, Bungtlang khua, Serchhip District ruang chu naktuk (20.9.2026) chawhma dar 10 ah vui a ni dawn.

Lalbiakfeli ruang hi nizan khan Kerala atangin Delhi thlawhtheihna hmanga thlenpui a ni a, thlawhtheihna hmang vekin vawiin chhun khan Lengpui Airport thlenpui niin, zan dar 6 velah an in thlenpui a ni. Zaninah lumenpui a ni ang a, naktuk chawhma dar 10 ah vui tur a ni.

Tarlan tawh angin, Lalbiakfeli hi ni 16.9.2026 (Nilaini) zan khan a hnathawhna hmuna swimming pool-ah thiin an hmu a ni. Bungtlang YMA hruaitute’n an hriat theih chinah chuan Lalbiakfeli hi spa-a thawk niin, Nilaini zan khan a thiante nen an hnathawhna hmuna swimming pool-ah an cheng a, a thiante kal dawnah a la inchiah deuh duhthu a sawi.

A hnua an hmuh leh chuan swimming pool-ah hian buaipui ngaiin a lo awm a, damdawi in panpui vat nimah se, chhan theih a ni tawh lo. Swimming pool-ah hian a thi tawh nia rin a ni. Lalbiakfeli hi nula fel tak a ni.